Ms. Kagay-an 2010 gikoronahan

GIKORONAHAN nga Miss Kagay-an 2010 si Virnajenn L. Bacus, candidate number 2, 18 anyos nga taga Barangay Macasandig ning siyudad kinsa anak sa magtiayong Mr. Bernard Bacus ug Ms. Jennifer Ledesma.

Si Bacus, kanhi Ms. Sangguniang Kabataan (SK) sa dakbayan sa Iligan.

Siya gi-described ni Glenn Cabaral, ang pageant coordinator nga dunay "great determination in life."

Samtang nahimong first runner-up ang candidate number 4. nga mao si Bianca Myleen Erfe, 24, gikan sa Barangay Kauswagan.

Samtang second runner-up sa maong indigay mao ang candidate number 10 nga mao si Jeminah Ruth S. Ferrer, 23, nagrepresenta sa Barangay Macasandig ug nakakuha usab ang major award nga mao ang Best in Talent.

Ang third runner-up nakuha sa candidate number 9 nga mao si Diva Catherine D. Opina, 19, gikan sa Liceo de Cagayan University.

Ang fourth runner-up nakuha sa candidate number 7 nga mao si Rhealou V. Zayas, 18, gikan sa Xavier University.

Alang sa major awards nakuha ang Best in Casual Wear sa candidate number 3 nga mao si Jo Phel D. Reyes, 18, gikan sa Xavier University.

Gidugok sa daghan nga mga tawo ang coronation night nga gipahigayon sa Limketkai Atrium niadtong Huwebes sa gabii, Agusto 26, 2010 diin 12 ka mga kandidata ang nag-ilogay sa korona alang sa Ms. Kagay-an 2010.

Ang mga kandidata giharana sa sikat nga singer-actor sa Kapuso Network nga si Janno Gibbs, diin gikilig usab ang tanang mga kababayen-an nga nisaksi sa maong kalihokan. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph