IT'S confirmed!
May bangi gyud tali nila Claudine Barretto ug Angelica Panganiban.
Kahinumduman nga gi-tsismis nato dinhi sa nakalabay nga semana nga may "awayan" ang duha ka aktres sa rason nga way nasayod.
Apan this time, si Claudine, emosyonal nga miangkon nga gikasakitan na kaayo siya sa mga patutsada kaniya ni Angel.
Say pa nga plano karon ni Claud nga mopasaka og kaso againts Angel.
Sa pep.ph gi-share ni Claudine nga gipanabi sumala pa ni Angel nga may "affair" siya (Claudine) sa bestfirend ni Derek Ramsay, nga jowa ni Angel.
Ang gitudlong may ispesyal nga relasyon kang Claudine mao si Martin Castro nga nahimo sab nga higala sa iyang bana nga si Raymart Santiago.
Dugang ni Claud nga upat ka tawo na ang mikumpirma niya sa gipanabi ni Angel.
Gikasuko sab ni Claudine ang patutsada ni Angel kontra sa iyang sister nga si Gretchen Barretto sa iyang Twitter account.
Pagklaro sa aktres nga wala silay relasyon ni martin, in fact nagpabilin gihapon ang ilang friendship luyo sa intriga.
"In fact, Martin and Raymart are still friends, they still talk," say sa aktres.
Birada ni Claud, pamaagi kini ni Angelica aron gub-on ang friendship nila Derek ug Martin. Sama sab daw kini sa gihimo ni Angel nga nagahatag og lubog sa mga teammates ni Derek.
"Gusto niyang sirain si Derek at si Martin. Ipinagkakalat niya na addict si Martin," resbak sa Kapuso actress.
Ni Claudine nagsugod ang tanan dihang gi-invite sila ni Raymart ni Martin ug asawa niyang si Cris Castro sa ilang panimalay last July.
"They had just renovated their house kasi, they fixed the garden, and Martin's mother cooked. At gusto daw ako makita ng mother ni Martin," niya pa.
Natungnan sab nga invited sila Derek ug Angelica sa okasyon.
Say ni Claud nga pag-abot pa lang sa couple sa party, wala na sa mood si Angel. Nasayran na lamang sa una nga giistorya ni Angel sa ubang guest ang paghatag og mahalong regalo ni Gretchen sa iyang jowa nga si Derek.
Ni Claud, isip ate iyang giistorya si Angel, diin dali sab kining nangayo og pasylo.
"Inalagaan ko 'yan since she was nine years old. She was there on my wedding, imbitado siya sa binyag, we invite her to our house, how could she do this to me and my family?," emosyonal nga pahayag sa aktres.
Dugang ni Claudine nga manghud ang iyang pagtratar kang Angel.
"Kung may pinagdadaanan siya, sana sabihin niya sa akin, iintindihin ni Ate," ni Claudine pa.
Sumala pa nga kapila ka beses sab nga gisuwayan nila Raymart ug Claudine nga istoryahon sila Derek ug Angelica apan wa kini mahitabo.
Say sa aktres nga ginahan-ay na lamang ang mga papeles alang sa kaso nga ilang ipasang-at againts Angelica. Posible nga by September mapasang-at na kini sa korte.
Tulo sab ka abogado ang giplanuhan karon ni Claud nga kuhaon, usa na dinhi ang iyang higalang nga si Atty. Raymond Fortun.
Mr. M mikomento
Mihatag sab sa iyang mobu nga mensahe si Johnny Manahan kang Claudine.
Ang mensahe ni Mr. M iyang tubag sa hagit ni Claud nga kasuhan gyud niya si Angelica.
Ni Mr. M: ""Go Ahead. Sue, Claudine. Make our Day! Para Bellum."
Ang "para bellum" gikan sa Latin adage nga si vis pacem, para bellum, sa English pa, "If you wish for peace, prepare for war."
Si Mr. M. maoy naghupot karon sa mga talents sa Star Magic nga talent arm sa Dos.
Pila ka tuig sab nga nahimong part dinhi si Claudine before siya miambak sa Kapuso network.
Ni Claud, wala na gyuy makapugong niya nga kasuhan si Angelica ug "libel o slander."
"Magharap na lang kami sa korte!" ni Claud.
Bisan pa daw og mag-public apology si Angelica di na mausab ang iyang desisyon.
"It's too late for an apology. I gave her so many weeks na," say sa aktres.
Dugang niya: "I don't think it's fixable."
Giyera na sab ni, so, let's get ready to rumble na!