NINGSUBAY sab gyud og mga pagpanghuldat ang USC Baby Warriors una nila nabuntog ang DBTC Baby Greywolves, 70-64, kagahapon sa CESAFI high school division sa Cebu Coliseum.

Ang Baby Warriors ningpugnit sa ikaduha nilang daog sulod sa lima ka mga duwa samtang ang Baby Greywolves naunlod og samot sa kinailawmang bahin nga wala pay daog sulod sa unom ka mga duwa.

Updates on President Benigno Aquino III's presidency

Sa pagpangulo nila ni Harvey Palapar, Francis Guardiario, ug John Pajantoy, ang Baby Warriors maayo untang nakasugod sa duwa ug nakaposte sila’g 19-13 nga labaw human sa 1st quarter.

Apan mibawi ang Baby Greywolves sa 2nd quarter hangtod nakasikit gyud sila pagbalik sa dayong human sa halftime.

Ang Baby Warriors miaksyon na sab pagsutoy apan wala mitugot ang Baby Greywolves nga mabiyaan og dako ug ninggukod na sab sila.

Hinuon sa 4th quarter, ningpatigbabaw gyud ang puwersa sa Baby Warriors.

Gipangulohan ni Palapar ang kadaugan pinaagi sa iyang 15 puntos samtang niamot og 10 puntos kada usa sila si Guardiario, Pajantoy ug Lee.

Ning pagsuwat, padayon pang nagsangka sa main game ang college 9-time champion UV Green Lancers ug University of San Jose Recoletos (USJ-R) Jaguars.