PIPILA ka mga lumolupyo sa lungsod sa San Francisco, lalawigan sa Sugbo nipasakag reklamo sa buhatan sa Commission on Elections (Comelec)sa ilang lungsod kay gitugtan ang taga laing barangay nga makarehistro sa ilang dapit sayo ning buwana aron makabotar sa piniliay sa barangay sa Oktubre.

Samang reklamo usab ang gisang-at sa mga botante sa Sangguniang Kabataan (SK) kay mao usab kini ang gibuhat sa pipila ka mga botante sa SK.

Updates on President Benigno Aquino III's presidency

Apan, nidesider ang Comelec nga malakip sila sa makabotar sa umaabot nga piniliay sa barangay ug SK gawas kon may kamanduan nga ipakanaog ang korte.

Si Unidos, San Francisco Barangay Councilor Soledad Machete nisang-at og petisyon nga di aprobahan ang pagparehistro sa 59 ka mga tawo nga madugangag isip botante sa ilang barangay kay di man sila tinud-anay nga lumolupyo sa ilang barangay kay atua gyod nagpuyo sa laing mga barangay.

Nipresentar og mga dokumento si Machete diin gipamatud-an sa mga barangay kapitan ning mga tawhana nga sila mga lumolupyo sa Brgy. Consuelo, Himensulan, San Isidro ug Santiago.

Samtang, sila si Summer Pleños ug Emeliano Obenza samang awhag ang gipasaka sa Comelec nga di usab tugtan ang lima ka mga sakop sa SK nga malakip sa marehistro sa Brgy. Unidos.

Niini, gidungog nilang San Francisco Comelec Officer Lito Arquillano uban sa iyang mga sakop sa Election Registration Board (ERB) nga sila si Erica Escorido ug Nazarino Donaire ang petisyon nilang Machete, Pleños ug Obenza nga gisang-at niadtong Agosto 18.

Ang pagpangrehistro nagsugod niadtong Agosto 4 ug natapos niadtong Agosto 15 nga alang niadtong mga makabotar na sa Oktubre 25 nga piniliay sa barangay ug SK.

Nagkanayon ang hukom nila ni Arquillano ug kaubanan nga gipakanaog niadtong Agosto 22 nga ang tanang nalambigit sa reklamo ipatawag.

Kadtong mga tawo nga giingong di mga botante sa Unidos ilang gipangutana kon botante ba sa barangay unya gihimakak nila ang alegasyon nga di sila mga molupyo sa Unidos.

Apan, ang mga nipetisyon nipresentar og mga ebidensya nga di gyod sila mga molupyo sa ilang barangay sukwahi sa mga pamahayag niini. (JECT)