USA ka 45 anyos nga lalaki ang gitabang sa Davao del Sur Provincial Hospital human siya giluba didto sa lungsod sa Sulop, Davao del Sur.

Ang biktima nailhang si Andres Hingco Jr., minyo ug taga Purok Uno, Barangay Carre sa maong lugar.

Post your reaction to the Manila hostage crisis

Ang biktima gi-unay pagluba sa iya mismong amahan nga nailhang si Andres Hingco Sr., 71 anyos ug silingan ra sa anak ang pinuy-anan niini.

Banda alas 6 sa buntag, Biyernes, nakurat na lamang ang mga silingan sa biktima human nagkainitay ang anak ug amahan niadtong higayona. Wa sila magtuo nga mosangko sa duguong insidente ang lalis sa duha.

Si SPO1 Robert Ubas, imbestigador sa krimen, nikanayon nga nikuha og kutsilyo ang suspek nga adunay gitas-on nga 11 ka pulgada, dayon gihansak sa walang bahin sa dughan ang iyang kaugalingong anak.

Gitambalan pa sud sa Davao del Sur Provincial Hospital ang biktima samtang boluntaryo sab nga mitahan sa iyang kaugalingon ang ang amahan ngadto sa kapulisan.

Nagtingkagol na sa selda ang suspek ug giandam na ang kasong ipasaka batok kaniya. (Dondon Dinoy)