MALINAWON ug walay dagkong natala nga krimen atol sa kasaulogan sa kapistahan ni Sr. San Agustin ning siyudad sa Cagayan de Oro.

Kini mao ang kasagaran nga madungog gikan sa mga kapolisan sa lain-laing presintuhan nga nahinabi sa Sun.Star Superbalita.

Post your reaction to the Manila hostage crisis

Si PO3 Rey Gunayan nibutyag nga wala kaayo dagkong krimen nga natala sa ilang area sa Police Station 1 (PS1) sa Divisoria.

Gawas lamang sa pipila ka mga pagpanguot ug pagpangawat diin ang maong mga kaso nagpabilin bisan sa ordinaryong mga adlaw.

Gani ang katawhan dako ang pagdayeg sa kapolisan sa kanunay nga nakabantay sa palibot atol sa kasaulogan kay tungod niini gamay lamang kayo ang insidente sa pagpangawat, pagpanglabni ug pagpanguot nga kasagaran maoy matigayon labina sa publiko nga lugar ug adunay mga kasaulogan.

Samtang gibutyag usab mga polis sa PS2 sa Cogon ingon man sa PS3 sa Agora nga susama sa PS1 wala gihapon dagko nga krimen nga natala gawas laman sa mga away dihang nangahubog na.

Apan daghan sa mga bisita ang nahasol sa walay hunong nga pag-ulan labi na panahon sa hapon hinungdan nga daghan nagpuyo na lang sa balay imbis nga mosuroy panahon sa kagabhion uban sa ilang pamilya. (Stephanie V. Berganio)