SAKOP sa Cebu City Police Office (CCPO) gibalhog sa Mabolo police station tungod sa pagmaoy sa tumang kahubog ug nangulata sa iyahang asawa kagahapon sa hapon sa ilang panimalay sa Phase 2B Villa Leyson, Barangay Bacayan, dakbayan sa Sugbo.
Si SPO4 Samsom Go, desk officer sa Talamban police station nga nahinabi sa Sun.Star Superbalita niila sa pulis nga si PO2 Alejandro Laborte, sakop sa Mobile ptrol Group (MPG).
Si SPO4 Go niingon nga ang asawa ni PO2 Laborte nga si Maria Anna, 43, maoy nireklamo batok na sa iyahang bana nga nangulata kaniya hinungdan nga gidakop ni PO3 Jennifer Velasco ug mga kauban sa Miscellaneous team sa Talamaban Police.
Matud ni SPO4 Go, nga positibo sa liquor test si PO2 Laborte diha sa Cebu City Medical Center (CCMC).
Giingong nagkaaway sa iyang asawa bahin sa usa ka problema sa ilang panimalay nga nisangpot sa pagpangulata sa asawa, sumala ni SPO4 Go.
Hinuon, nagpaabot suila sa medical certificate sa asawa niini pagduso diha sa ilang buhatan, sanglit duna kiniy garas sa bukton nga matud pa naigo usab kini sa pagpanapat sa maong pulis.
Gipadayag niini nga kasamtangan nilang gibalhog si PO2 laborte samtang nagpaabot sila sa tukmang kasong ipasaka batok kaniya karong adlwa.
Kahimumdoman, si PO2 Laborte nisuway sa pagkamatay sa barangay Tisa human hilunom og Zonrox tungod sa problema. (Guam P. Logroño)