SUNOD-SUNOD nga engkwentro ang natigayon sa mga sakop sa 36th Infantry Battalion ngadto sa New People's Army nga mikalas ug duha ka mga kinabuhi niadtong Sabado sa hapon didto sa Mahaba, Marihatag, probinsya sa Surigao del Sur.

Si Lt. Col. Triumph Dominic Bagaipo, tigpamaba sa 4th Infantry Division sa Camp Evangelista ning siyudad nibutyag sa Sun.Star Superbalita nga ang maong engkwentro miresuta sa pagkamatay sa usa ka babayeng NPA ug usa ka sundalo.

Post your reaction to the Manila hostage crisis

Pipila usab sa mga sundalo ang samaran. Nakuha gikan sa kamot sa babayeng NPA ang usa ka M16 rifle samtang padayon pa nga giila ang pangalan niini.

Nilungtad ang unang engkwentro og 30 minutos batok sa gibanan-banang napulo ka mga NPA hinungdan nga samaran usab niadtong tungora si Cpl. Rodel C. Umopang samtang pipila usab ang samaran sa NPA.

Pagka 1:00 sa hapon niadtong Sabado laing sakop sa 36IB nakaengkwentro sa NPA sa susamang dapit nga miresulta sa kamatayon ni Cpl. Frethel V. Escabal (PA) gikan sa siyudad sa Bayugan.

Ang ikaupat nga engkwentro miresulta sa kamatayon sa Babayeng rebelde.

"Our troops ambushed the terrorists resulting to the death of one of them, a female, and the recovery of 1 M16 rifle while the other one run for his life. We are pretty sure that the remaining terrorists are confused, shocked and exhausted and they will try to mingle with the civilians so that their lives can be spared" matud ni Ltc Rene Ca¤ete, kinsa Commanding Officer of 36th Infantry Battalio nga nakabase sa Tago, Surigao del Sur.

Sa pagsulat ning balita ang patayng lawas sa babayeng NPA gidala sa susamang Barangay aron adunay makaila niini.

Samtang ang mga samaran nga mga sundalo kasamtangan nga gitambalan sa Camp Evangelista Station Hospital ning siyudad sa Cagayan de Oro ug kasamtangan na usab nga gihaya ang patayng lawas sa sundalo. (SVB)