NAGDUGO ang 7 anyos nga bata human gi-unay og lugos sa ama-ama niini nga nadiskubre niadtong Domingo mga alas 3:50 sa hapon sa lungsod sa Tagoloan, Misamis Oriental.
Giila ang biktima nga mao si Shiela (tinuod nga ngalan gipugngan), 7, taga Barangay Sugbongcogon, susamang lungsod.
Uban sa inahan niini nagpatambal ang biktima sa Northern Mindanao Medical Center (NMMC) ning siyudad sa Cagayan de Oro si Shiela human nitug-an sa iyang inahan nga gibati siya og kasakit sa gihimo sa ama-ama.
Dihang gikonpronta ang anak nakahilak kining misaysay sa gihimong pagpanglugos sa ama-ama.
Sa kabalaka ug kalagot nga gibati sa inahan deretso kining nagpatabang sa Tagoloan Police Station ug diha dayon nga gisikop ang suspetsadong gitagoan sa ngalan nga Romeo.
Nasayran nga si Romeo ang ikaduhang bana sa inahan ni Shiela, nagminyo kini pag-usab dihang nagkabulag sa amahan sa biktima.
Dili tiaw ang naangkon ug sa kasakit nga gibati sa biktima. Samtang ang inahan niini dili makatuo ingon man gibati og kasuko sa bana ug andam niining pasakaan og kaso.
Nagpabilin pa sa balay tambalanan ang biktima ug gipahigayon gihapon pa ang medical examination niini bisan paman sa pag-angkon sa biktima nga positibong nakuha sa iyang ama-ama. (Stephanie V. Berganio)