USA ka drayber sa motorsiklo grabe ang kahimtang human aksidenteng gidaro sa Yellow Bus didto sa National Highway sa lungsod sa Sulop, Davao del Sur, banda alas 7:03 kagahapon sa buntag.

Si Police Officer 1 Joejie Cababat nga maoy nagsusi sa aksidente, nagkanayon nga ang drayber sa motorsiklo giila nga si Roy Arnado Villa, 22, minyo ug taga Purok 4, Barangay Poblacion, Sulop.

Post your reaction to the Manila hostage crisis

Ang drayber sa Yellow Bus nga nagbaton sa plate number LVS-762 ug body number 6568, gimaneho sa usa ka Hepolito Neri, 43, ug lumolupyo sa GenSan Drive, siyudad sa Koronadal.

Sumala sa imbestigasyon, nga gikan sa dakbayan sa General Santos ang Yellow Bus sa dihang aksidenteng nasaghiran niini ang motorsiklo samtang nagdagan didto sa Sulop, atubangan mismo sa Ablando Store.

Laing kolor green nga motorsiklo nga dunay sidecar nga gimaneho sa usa ka Ernesto ang nadasmagan usab sa Yellow Bus human nga mikalit kini og hunong.

Nalagpot ang drayber sa nalimbuwad nga motorsiklo ug gidali pagtabang sa Digos Doctors Hospital.

Giimbestigahan na sa kapulisan ang drayber sa Yellow Bus. (Dondon Dinoy)