LAHI ra gyud ang mga Pinoy ug mga taga Hong Kong. Samtang daghan kanato ang i-agi na lang sa pasiaw ug pakatawa ang makaulaw nga performance sa atong kapulisan, ang mga taga Hong Kong nagrali na aron ipadayag ang ilang kalagot sa nahibong palpak nga hostage rescue didto sa Quirino Grandstand sa Manila sa

miaging semana.

Gawas nga naklaro na nga ang atong kapulisan pulpol batok sa mga hostage rescue, lalim bay 200 to ka mga pulis sa giingong labing maayo didto sa kaulohan, angay kitang mabalaka ug molihok na kabahin sa epekto sa maong hitabo sa atong turismo.

Updates on President Benigno Aquino III's presidency

Intawon, ang mga kalampusan ni kanhi Tourism Secretary Ace Durano kuyaw nga mapapas tungod lang adtong kapalpakan sa kapulisan ug kon di kita molihok dayon.

Mao nga nalipay ako nga dunay mga lokal nga opisyal sama kang Mayor Paz Radaza nga nilihok dayon aron di mahagsa ang turismo sa Mactan. Kinahanglan nga maproktektahan nato ang atong turismo kay kon mokunhod gyud ang pag-abot sa mga turista, dako kini og epekto sa atong ekonomiya.

TRANSPARENT

Usa ka regular nga tigbisita sa akong blog nga www.inbetweencolumns. wordpress.com nga si Renato Pacifico nireklamo nganong moinsister ang mga sakop sa media nga ma-cover live ang tanang panghitabo kabahin niadtong rescue operation nga na-palpak.

Di siya uyon nga tugotan ang media nga mosibya dayon sa tanang mga panghitabo labi na sa mga negusasyon ug sa mga operasyon sa kapulisan.

Iya kong gipahinumdoman nga kaniadtong si Ces Drilon gi-kidnap sa mga sakop sa Abu Sayyaf, conscious kaayo ang mga sakop sa media nga nag-cover nga di dayon masibya ug mamantala ang tanang mga panghitabo mapalpak ang mga paninguha nga mabuhian ang usa ka sakop sa media.

Duna siyay punto, alang kanako. Di man ingon nga i-censor ang tinuod. Apan mas mahinungdanon tingale ang kinabuhi sa mga hostage ug mahimo mang makahulat ang publiko nga makakita sa mga panghitabo mapalpak man o molampos ang paninguha sa mga awtoridad.

MAJOR MAJOR

Nindota unta kon wa pa maratol si Venus Raj nga naila na karon nga “major, major.” Kon napildi gihapon siya, makaingon na gyud kita nga tungod kini nga di siya mas gwapa sa ubang mga finalist.

Hinuon, depende ra sab kini sa mga judge. Nakahinumdom ko niadtong katapusang Miss Superbalita. Abi gyud nako nga ang duha sa labing gwapa kay mestiza sa akong panan-aw maoy modaog.

Wa nako maapil sa pagkwenta nga dunay usa ka foreigner nga huwes. Ug iyang gihatagan og labing dakong score ang usa ka morena.