PIPILA ka katawhan ang nasubo human gibalik pagkalungsod ang siyudad sa El Salvador, Misamis Oriental.

Naglibog ang mga opisyal sa maong lungsod ug pipila ka mga katawhan nga residente sa dapit labina nga nakab-ot ug natawag na kini nga siyudad pipila usab ka bulan.

Post your reaction to the Manila hostage crisis

Mga 15 usab ka lungsod ang nasusama sa El Salvador nga padayong naningkamot nga mahimong siyudad bisan paman nga sila wala mipasa sa Republic Act 9009 standards labina gyod ang pag-required og P100-million nga local income.

Ang 16 ka mga lungsod nimartsa ug nipasaka og motions for reconsideration human ang korte nideklarar og self-serving exemptions nga unconstitutional.

Niadtong nilabay nga adlaw, mipagawas og desisyon ang korte nga ibalik sa lungsod ang 16 ka mga siyudad ug apil niini ang El Salvador nga gikasubo sa pipila ka mga empleyado sa dapit.

Gani si PO2 Richard Britania sa El Salvador Police Station nga nahinabi sa Sun.Star SuperBalita niingon nga nasubo gyod siya sa nahitabo labina nga gitawag na kining siyudad apan dawaton na lamang ug respetuhon labina nga mao man ang desisyon sa korte. (SVB)