USA ka priso ang namatay human naghikog sud sa iyang selda sa Bureau of Jail Management and Penology (BJMP) sa siyudad sa Digos.
Ang 50 anyos nga si Rodrigo Vargas gipa-priso sa iyang asawa tungod sa pasangil nga nagmaoy sa ilang balay sa Barangay Kapatagan, siyudad sa Digos.
Unang gitunol ang suspek ngadto sa Kapatagan Community Assistance kay gihulga ang iyang pamilya nga usa-usang pamatyon mga alas 8:20 sa gabii niadtong Agosto 29.
Apan, mga alas 9 sa buntag kagahapong adlawa, Martes, nakurat na lang ang pipila ka mga sakop sa Digos City Police Office sa dihang ila na lang nadiskobrehan si Vargas nga naghikog pinaagi sa paghigot og nylon nga pisi sa iyang liog ug ang pikas tumoy gihigot ngasdto sa rehas nga bakal.
Gidali pagdala sa mga otoridad ang biktima ngadto sa Mercado Medical apan wa magdugay gihulagway sa mga nag-atimang doktor nga patay na siya.
Mga pulis padayon pang nagsubay karon sa maong insidente.
Si SPO3 Esdraz delos Santos maoy gitahasan nga mohimo og dugang imbestigasyon.
Wa pa hinuoy giluwatang pahayag ang pamilya sa biktima bahin sa nahitabo. (Dondon Dinoy)