DEAR Papa Joe,
Hello! Tawga lang ko og Charlie, 40, taga Norte. Usa ko ka minyo ug upat na ang akong mga anak. Ang akong problema mahitungod sa akong asawa nga nagpakaaron ingnon nga limpyo.
Nagsugod kini dihang kini siya magsigi og pamantay sa iyang kauban nga sekretarya sa ilang amo nga kabit kuno. Ako lang siyang paminawon basin og bunga lang sa dili patas nga pagtagad sulod sa iyang gitrabahuan. Hangtod na lang magduha na ka tuig kini siya sige na gyud og panabi nako nga luoy kaayo ang bana nga seaman sa ilang sekretarya kay lagi kabit sa iyang amo.
Iya kong gipakita sa cellphone sa iyang amo ug ako pa mismo ang nakakuha sa mga sent messages kay high tech man ang phone.
Karon akong nahibulngan ngano siya man ang magda-ladala sa phone sa iyang amo. Karon kay niabot man ang bana sa sekretarya ug nagkagrabe man ang iyang kalagot sa iyang boss kay gigastuhan kuno pag-ayo ang iyang kauban. So, niingon ko nga ako na lay tug an sa imong amo sa management para maimbestigahan. Karon kay dili man siya mosugot kay daghan kuno ang maangin.
Karon, Papa Joe, ako man nga nasayran nga giiring-iringan man sad siya sa iyang amo ug nagmata lang ko og buntag. Ako ning nabantayan dihang ako na mismo ang makabasa sa mga text sa iyang amo nga naay unod ug pag check nako sa call log daghang tawag sa dis oras na unya di lang ko kabantay kay gi-silent diay niya. Dili ta nako tuohan ang istorya sa among silingan nga nakaila niya sa una nga hilig gyud niya mopasakay sa iyang amo. Unya kay mobyahe man siya, daghan sad siyag mga texter nga magtawag niya’g pangga. Unya ingon ko niya nga wrong send ra daw. Papa Joe, unsa may angay nakong buhaton? Tambagi ko.
CHARLIE
Charlie,
Maayong adlaw diha kanimo. Ang ako lang masulti kay istoryahi imong asawa unsay tinud anay nga nabuhat man niya kini nga siya pa may mamantay, siya sad nagbuhat. Mao bitaw nay giingon nga una ka manilhig sa nataran sa ubang tawo, silhigi una ang imoha. Tan awa sa ang imong kaugalingon kon wa ba sad kay pagkuwang nganong nabuhat na niya nimo.
Wa man sad nimo gisugid unsa imong trabaho. Kon sakto ka sa imong pagduda, panid-I ang imong asawa ug kon disidido ka, pasakahi dayon og kiha kon naa kay ebidensya. Dili maayo ang iyang gibuhat, but for the sake sa inyong mga anak, lihuka sa ang pagsabotsabot para ma-correct nimo ang iyang binuhatan.
Ingna siya nga kon mahimo undang lang sa og trabaho para matul-id ninyo inyong mga kasaypanan kay sa gikaingon ko na basin duna sad kay pagkuwang. Ang luoy man gud kay ang inyong mga anak nga magdako nga apektado sa sitwasyon busa huna-hunaa asa may angay buhaton nga magdako imong anak sa immoral nga environment o normal. Tun-i ang sitwasyon pag-ayo. Daghang salamat.
PAPA JOE