MGA mahalong butang ug kuwarta sa Lapu-Lapu City Health Dept. nangawala human lungkaba niadtong Lunes sa gabii apan kagahapon na sa buntag nahibaw-an ang hitabo.

Sigun sa report sa Theft and Robbery Section (TRS) sa Lapu-Lapu City Police Office alas 7:50 na sa buntag nahibaw-an ang hitabo human nga aduna nay mga empleyado nga niabot sa maong buhatan.

Updates on President Benigno Aquino III's presidency

Ang duha ka andanang building nahimutang sa barangay Pusok tupad ra usab sa City Hall ug duol ra sa police station.

Sa imbestigasyon ang gilungkab mao ang medtech laboratory, diin nakuha ang usa ka Aiwa DVD player nga mokantidad og P3,000; Walkman nga mokantidad og P3,800; social hygiene room nga nakuhaan og kapin sa P1,000.

Ang opisina nga iya ni Dr. Epefanio Tac-an Jr., nakuhaan og P10,000 ug nutrition room nga adunay P10,000.(DRT)