NALUOY na si Robin Padilla sa asawa niining si Mariel Rodriguez tungod sa maka-werla ug maka-uga nga intriga nga gibato sa iyang kapikas.
Usa ka suod nga higala ni Robin ang nagkanayon nga perme nagapangayo og sori ang aktor ngadto sa kapikas tungod wala na gyud kini lum-i sa intriga sukad nga nalambigit ang ngalan sa aktres ngadto niya.
Say pa nga tungod magtiayon na sila "package deal" na gyud nga atubangon nila ang mga intriga.
Of course si Mariel, modepensa sab nga walay angay nga kabalak-an si Robin, tungod anad na siya sa mga intriga.
Ni Mariel, andam siyang atubangon ang bisan unsa mang intriga tungod ug alang sa ilang pagminahalay.
Nagsugod nga gi-intriga ang duha sukad mibutho ang taho nga gikasal na sila.
Una nila nga gi-deny apan in the end mitug-an ra.
Wa na makurat ang madlang pipol sa ilang rebelasyon, apan daghan sab ang na-imbiyerna tungod sa ilang ka-dramahan nga sum-ol na sab.