Wanted sa rape nadakpan sa kapulisan sa Kingking

USA ka lalaking wanted sa kasong lugos nasikop sa kapulisan didto sa Barangay Kingking, lungsod sa Pantukan, Comval Province, Miyerkules sa kaadlawon.

Ang dinakpan nailhan nga mao si Isagani Montejo "alyas Ondoy" 30, ug molupyo sa Sityo Bingag, Barangay Kingking, sa susamang lungsod.

Sa report gikan sa Comval Province Police Provincial Office nasayran nga pasado ala 1:00 sa kaadlawon, nasikop sa mga sakop sa Pantukan Municipal Police Station pinanguluhan ni SPO3 Zoilo Molles ang suspek didto sa maong lugar.

Ang suspek dunay pending nga warrant of arrest tungod sa kasong lugos ng gipagula ni Judge Hilarion Clapiz sa Regional Trial Court 11th branch 3, sa lungsod sa Nabunturan ug nakadukit sa criminal case number FC-582.

Dugay na matud pa nagtago-tago ang suspek human siya gipasakaan og kasong lugos didto gihapon sa lungsod sa Pantukan.

Ang suspek gitanggong na karon sulod sa selda samtang nagpaabot sa sunod nga mando sa korte. (Marvin Pineda)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph