LIMA ka mga pamilya ang naapiki niadtong Huebes sa gabii kay deriyot matumbahi sa dakong punoan sa buli didto sa Sitio Sampaguita, Barangay Tejero, Cebu City. . Ang balay ni Wilfredo

Genabe napikas samtang ang ila ni Marivic ug Solomon delos Santos nagrabehan sab.

Updates on President Benigno Aquino III's presidency

Sagdi na lang ning ilang panimalay, kadto gyung nangaangol sama sa asawa ni Solomon nga si Nenita milandig sa tambalanan. Ang maong buli nga nagpangedaron og 50 kapin anyos tinanom ra sab ni Wilfredo ug wa siya magtoo nga maunay siya sa iyang tinanom.

NAKAESKAPO

Si Marivic miasoy nga kon wa pa siya tawgi sa cellphone sa iyang igsuon posibling nakatug na sila atol sa pagka tumba ug di na nila malihayan ang trahedya. Mao sab ni ang nahitabo ni Wilfredo, kay kon wa pa magmata ang iyang duha ka anak nga sila si Bernie ug Billyjun wa gyu’y makapukaw niya. Diha sa tungod sa iyang gihigdaan nahagsa ang buli. Ang iyang asawa nga si Catherine nga nagmata pa sab niadtong higayona nasalbar sab. Kon wa pa sab makakapyot sa sibay si Billyjun pulbos unta. Ang taas sab kaayo og suerte mao si Arne Abad kauban ni Billyjun nga nag-computer. Ang iyang nawong napangos human siya mapiit sa kilid sa buli. Maayo gani kay wa siya maintimano. Daghan ang nakapanghupaw sa iyang gidangatan kay kining bataa makadaghan na diay makasugat og trahedya. Dihay kausa nga naapil ni siya og kalunod sa pumpboat nga miapil sa fluvial procession didto sa Opon. Nahug sab ni siya sa building, buhi lang gihapon. Naligsan pa ni siya bangon lang gihapon. Matod sa iyang mga silingan di lang kay kanapu na ni siya deriyot sunguga og trahedya.

PASIDAAN

Matod ni Neil Sanchez sa Regional Disaster Coordinating Council nga obligasyon sa Cebu City Hall ang pag-monitor sa bisan unsa nga punoan sa kahoy nga posibling tinubdan sa trahedya. Unta to napasidan-an na ang mga lumolupyo sa dakong risgo nga ilang giatubang kay daan naman diay nga nagharag ang punoan sa buli nianang hapon.

Busa kamong nagpuyo duol sa dagkong punoan sa kahoy obsebahi kanunay ang sitwasyon sa kahoy kay basin unyag mata nimo kauban na diay ni nimo sa higdaanan. Ilabi na ning panahon nga sigi ang ulan dako ang posibilidad nga maluka kanang kahoy nga kanunayng naghatag nimo og landong.