USA na sab ka usher sa sugal ang nasikop sa mga otoridad atol sa ilang hugot nga kampanya batol ilegal nga sugal didto sa lungsod sa Nabunturan, Comval Province, Miyerkules sa gabii.

Nailhan ang dinakpan nga mao si Linda Gangis, 53, molupyo sa Purok 16, Barangay Poblacion lungsod sa Nabunturan.

Post your reaction to the Manila hostage crisis

Sa report gikan sa Nabunturan Municipal Police Station, nasayran nga pasado alas 6:00 sa gabii, nasikop sa mga nagresponding sakop sa kapulisan ang suspek human nagpataya og sugal nga last 2 didto sa may Public Market sa maong lungsod.

Usa matud pa ka text message ang nadawat sa mga otoridad labot sa ilegal nga aktibidad nga gihimo sa suspek didto sa maong lugar hinungdan nga gihimo ang pagresponde sa mga pulis.

Nakuha gikan sa posisyon sa dinakpan ang mga nagkadaiyang last 2 paraphenalia sama sa tally sheet, stab ug kuwarta balor og P807 nga gituohang pusta.

Ang suspek gitanggong dayon sulod sa selda samtang giimbestigahan pa siya sa kapulisan.

Samtang kaso gihikay na sab sa kapulisan batok sa dinakpan. (Marvin Pineda)