MISUNOD sila si Efren “Bata” Reyes, Dennis “Robocop” Orcollo ug Ronato “Volcano” Alcano kang Lee Van “The Slayer” Corteza sa sunod nga round human nila gipang-pukan ang ilang tagsa-tagsa ka Thai nga kontra sa miaging gabii sa knock-out stage sa 2010 Pattaya 9-Ball Invitational Pool Competition sa Pattaya, Thailand.
Bangis kaayo si Reyes ug wala kini kaluoyng nimakmak kang Sompol Saetang, 9-1, gilampornas sab ni Orcollo si Ophas Suwannarat samtang gibuntog ni Alcano si Somkuan Tianponkrang, 9-5.
Si Corteza mao gyu’y nagdugkat sa kabangis sa mga Pinoy dihang iyang gilampornas si Kevin Fortt sa Great Britain, 9-1, sa premiro sab niyang tahas.
Laing Thai nga si S Suratep Phoochalam ang ikaharong ni Reyes sa sunod nga round unya si Orcollo makigharong kang Chris Melling sa England samtang si Alcano makigbatok kang Lee Chenman sa Hongkong.
“We hope our Filipino pool players will maintain their momentum in Pattaya 9 Ball,” matod ni Jonathan Sy, kinsa maoy co-founder sa Billiards Managers Players Association of the Philippines (BMPAP) kauban si Perry Mariano.
Sa iyang bahin, si Mariano, kinsa maoy tag-iya sa star-studded nga Bugsy Promotions, mipabuhagay sa iyang dakong pagsalig nga Pinoy maoy molampos sa torneyo.
“I’m very confident we can win the title in Thailand,” asoy ni Mariano.