KONSEHO sa lungsod sa Carcar nipalabang og usa ka resulosyon nga nag-saway ug nagsupak sa ordinansahon ni Bokal Arliegh Sitoy nga nagmando sa pagbutang og warning sa chicharon.

Una niini, si Sitoy nagtinguhang mopalabang og ordinansa nga nagmando sa mga manindahay sa pagbutang og warning sa plastic sa produktong chicharon nga ang sobrang tambok makadaot sa panglawas.

Usa sa iyang gibasihan mao ang iya karong sitwasyon nga nga niagi siyag stroke tungod sa pagkaon og chicharon.

Updates on President Benigno Aquino III's presidency

Si Bise Mayor Patrick Barcenas nibutyag nga nakasaway sila sa plano ni Sitoy tungod kay ilang nakita nga daghan pa unta ang angay hagatan og pagtagad niini.

Matod niya nga ang maong resulosyon makadaot di lang kanilang mga nag-negusyog chicharon kon di lakip na usab sa mga nagnegusyo gyod og baboy.

Gumikan niini, atol sa senemanang session sa konseho sa lungsod sa Carcar, ilang gipalabang in mass motion ang resulosyon nga nagsaway ug nagsupak sa gitinguhang ordinansa ni Sitoy.

Gani nibahad siya nga kon tinud-on gyod ni Sitoy ang maong ordinansahon ug adunay ipahigayong public hearing, mopadala silag di mominus usa ka libo ka mga tawo nga motambong sa hearing aron ilang ipadayag ang pagsupak.

Gidasonan usab ni Barcenas ang pamahayag ni Gobernador Gwen Garcia nga si Sitoy nagpatagad lang ning iyang pagpasaka sa kontrobersyal nga resulosyon sa Provincial Board.