PATAY ang usa ka ulitawo human gipusil sa alas 7:00 sa gabii, niadtong Sabado, didto sa probinsiya sa Sultan Kudarat.
Nailhan sa kapulisan ang biktima nga mao si Jemar Tamburo, 26 ug molupyo sa Barangay Tran, Lebak.
Sigun sa nahagpat nga taho gikan sa Sultan Kudarat Police Provincial Office, nga padung sa paggawas ang biktima gikan sa usa ka videokehouse sa Barangay Poblacion, Lebak, unya nangihi sa diha nga kalit mibutho ang wala mailhing mga tawo ug gipusil siya gamit ang kalibre .45 nga pistola.
Wa nay kinabuhi nga nahagba sa yuta ang biktima nga naigo sa ulo ug ang bala milapos sa tuong mata.
Dali sab nga misibat ang mga mamumuno sakay sa XRM nga motorsiklo paingon sa wala matino nga direksyon.
Si Armando Sultijo nagsulti nga samtang nag-inom sila dunay nakalalis nga grupo ang iyang ig-agaw unya iyang nasumbagan ang usa nila nga daling mibiya ug nanganti nga mobalos.
Hangtud karon blangko pa ang otoridad kun kinsa ang mga suspetsado, hinungdan nga padayon pa silang nag-imbestiga sa pagpatay sa biktima. (Edgardo Fuerzas)