GIKLARO sa presidente sa Catholic Bishop Conference of the Philippines (CBCP), Bishop Nereo P. Odchimar, nga wa siya mosulti sa pagpahamtang og ‘excommunication’ ni Pres. Benigno ‘Noynoy’ Aquino III tungod sa iyang pagpaluyo sa kontrobersyal nga Reproductive Health (RH) Bill.
Matod ni Bishop Odchimar, misquoted lang siya sa mga balita.
Si Odchimar nga nibisita sa Sugbo kagahapon isip dinapit sa kapistahan sa St. Therese sa Indiana Aerospace University (IAU) sa Barangay Basak, dakbayan sa Lau-Lapu.
Matod niya, atol sa iyang interview sa Radio Veritas nga usa ka estasyonan sa simbahang Romano Katoliko, gipangutana siya kon mahimo bang ma-excommunicate ang presidente tungod sa iyang pagpaluyo sa RH Bill ug ang pagpaluyo sa plano nga manghatag og mga contraceptive.
Iyang giklaro nga ang iyang tubag nga di kini mahimo, apan sa pagpaminaw na sa tape sa naghimo sa balita, wa na ang pulong “not” kon dili mahimo hinungdan nga nigawas sa taho nga mahimong mahipalagpot ang presidente tungod sa iyang baruganan.
Nagkanayon si Bishop Odchimar nga nigawas kini sa mga mantalaan ug dakong telebisyon sa kaulohan kay human sa iyang interview, gipahibawo usab siya nga ilang hatagan og kopya niini ang mga dagkong network ug newspaper sa kaulohan ug nitugot usab siya apan natingala na lang siya sa mga report nga nigawas.
Bisan ang iyang gisulti nga “I don’t see”, nahimo na kining “kasi” hinuon. Nipahibawo na kaniya ang management sa Radio Veritas nga mopadala silag suwat sa tanang kaparian labot sa tinuod nga nahitabo.
Apan niingon si Odchimar nga dili pa kini igo tungod kay ang saktong buhaton sa maong radio station mao ang pagpa-publish gayod kon unsa ang iyang tinuod nga gisulti sa interview ug ang ilang sayop nga pahubad sa iang gisulti.
Si Bishop Odchimar niingon nga ang iyang leksyon nga nakuha sa maong hitabo nag magbantay na sa sunod ug di moderitso sa pagpa-interview sa mga tigbalita.
Hinuon, iyang giklaro nga ang iyang baruganan magpabilin nga supak gayod sa bisan unsang matang sa birth control ug pagsupak sa pipila ka probinsya nga anaa sa RH Bill.
Gani atol sa iyang misa kagahapon, iyang gisulti nga ang administrasyon Aquino nitan-aw nga ang nakaingon sa kalisod tungod sa grabeng pagsaka sa pupolasyon u gang grabang kalisod sa mga tawo maoy usa sa babag sa paglambo.
Matod niya nga ang nakaingon sa kalisod mao ang kakuwang sa trabaho ug ang nisiawng kurapsyon sa nasud.
Apan kining tanan mahimo lang kon wala ang kurapsyon sa goberno ug mahimo kini pinaagi sa pagtuo ug pagsalig sa Ginuo ugang paglambo mahimo bisan pa ang wala ang RH Bill ug ang ang pagpanghatag sa mga contraceptive.
Si Bishop Odchimar niingon nga karong bag-o, ang Malakanyang nipahibalo nga mohimo una og konsultasyon bahin sa family planning ug usa na ang Simbahang Katoliko ang paminawon sa ilang habig.