MIBIDA og maayo si Jonjon Adlawan pinaagi sa pagsakmit sa mga titulo sa PRO Open ug Expert categories sa 7th leg sa 2010 MS Motosuit Motorcross Serues nga giulohan og 1st Mayor Nelson Gamaliel F. Garcia Motocross Competition sa miaging adlaw sa Dumanjog, Cebu.

Nagsunod kang Adlawan sa PRO Open mao sila si 2nd placer Juvenile Abellar ug 3rd placer John Flores samtang sa Expert mao sila si 2nd placer Jubenil Abellar ug 3rd placer Rex Barbaso.

"The Manny Pacquiao Blog". Click here for stories and updates on the Filipino boxing champ.

Mikuha sab og atensyon si Whelbert Maraño dihang nadaog niya ang titulo sa Novice Open Production, Beginner’s Open Production ug Intermediate categories.

Kauban ni Maraño sa top three sa Novice Open ug hasta sa Beginner’s Open mao sila si 2nd placer, Cyril Tariman ug 3rd placer Ayen Ledesma unya sa Intermediate mao sila si 2nd placer Rex Barbaso ug 3rd placer Cyril Tariman.

Sama sa naandan, naangkon na sab ni kanhi Rider of the Year awardee Seigfred Ornopia ang titulo sa Executive A unya nagsunod kaniya mao sila si 2nd placer Roscel Gungob ug 3rd placer Jun Enriquez.

Ang ubang mga ningdaog mao sila si JC Obligado sa Local Enduro, Jerry Sicad sa Executive C, Jogie Basco sa Mini Class, Ayen Ledesma sa Open Enduro, Roscel Gungob sa Executive B, Keizer Ornopia sa Peewee Special, ug BJ Pepito sa Peewee.