DI GYUD ginalum-an og intriga si Marian Rivera, gamay lang niyang gimok, tuara, paka na!
Latest kuno nga gika-giyera sa aktres mao ang 4th runner up sa Ms. Universe 2010 nga si Ma. Venus Raj.
Say pa nga nahitabo ang pagpang-okray ni Marian kang Venus dihang mi-guest ang beauty queen sa Show Me Da Manny nga sitcom sa Siyete.
Sitsit sa mga tsismosa nga nag-dialogue daw si Marian nga "chaka", as in pangit diay si Venus sa personal.
Ouch ha!
Apan ang maong tsika dali nga gisagang sa duha. Sa taping sa maong sitcom, walay ma-feel nga tension sa ilang duha.
Sumala pa nga gitawgan ni Marian si Venus aron ipaabot niini nga may nagahimo og intriga kanila aron sila paawayon. Mi-deny sab si Marian nga gisaway niya ang beauty ni Venus.
Bisan si Venus namahayag nga walay isyu kanila ni Marian, OK sila sa aktres.