PATAY na nga nadangat sa tambalanan ang usa ka estambay human gipusil pasado alas 12 sa tungang gabii sa dalan F. Gonzales, Barangay Santo Niño, dakbayan sa Sugbo.
Naangol usab ug nadala sa tambalanan ang usa ka tawo nga gipusil sa silingan.
Ang una nga biktima nailhan lang sa ngalan nga ‘Roy’, kapin sa 30 anyos ang panuigon, way klarong gipuy-an.
Sa imbestigasyon sa Homicide Section nagbutyag nga nagsakay og traysikad si Roy ug gisundan og usa ka tawo dayong pusil sa nawong.
Daling nakasibat ang gunman samtang si Roy patay diha-diha.
Samtang nagpabilin pa sa tambalanan si Gino Cempron, 27, estambay, human gipusil ni Arturo Amagas, 65, pasado alas 4 sa hapon niadtong Martes sa St. Jude Acres, Barangay Bulacao. (JFT)