GIPANGULOHAN ni Dennis Corro ang surpresang pagpanghawod sa Cebu team No Care Racing (NCR) sa Bacolod Autocross niadtong Sabado ug Dominggo nga gipahigayon sa karaang airport sa Bacolod City.

Ang NCR team, nga wala gyud nagdahom og dako sa ilang pag-asdang sa Bacolod, nakahakot og 10 ka mga medalya lakip na niini ang tulo ka first place trophies nga pulos gikuha ni Corro.

"The Manny Pacquiao Blog". Click here for stories and updates on the Filipino boxing champ.

Si Corro maoy mihawod sa Automatic Class, Novice Street Class Heavy ug Novice Super Street Class Heavy.

Naghatag og 2nd place finish sa NCR mao sila si Eric Canama sa Automatic Class ug Novice Modified Heaby, ug Bobby Pangilinan sa Novice Street Class Heavy.

Samtang ang nagtunol og 3rd place trophies alang sa NCR mao sila si Norris See sa Novice Street Class Heavy, Bobby Pangilinan sa Novice Super Street Class Heavy ug Novice Modified Heavy, ug Jong King sa All Wheel Drive.

Nagsuporta sa kampanya sa NCR sa kompetisyon mao ang BOBHEN Heavy Equipment Rental, Maxxis tires, Mobil 1, Durabend, Dewfoam, DAJ Autorepair Shop, TOTAL Oil, Aldo Servicenter, ug Onitsuka.