Siyudad andam nga moabag sa Comelec

ANDAM mohatag og financial assistance and kagamhanan sa dakbayan sa Sugbo sa Commission on Elections alang sa pagpahigayon sa barangay ug Sangguniang Kabataan (SK)elections karong Oktubre 25.

Si Konsehal Joey Daluz, chairman sa committee on budget and finance sa Cebu City Council, nagkanayon nga naghuwat na lang sila sa request gikan sa Cebu City Comelec alang sa maong katuyuan.

Samtang si Atty. Marchel Sarno, election officer sa Cebu City north district nga nahinabi sa Sun.star Superbalita, nagkanayon nga aduna na silay initial nga gikasabutan ni Atty. Edwin Cadungog, south district election officer kabahin sa ilang mga galastuhan sa umaabot nga eleksyon nga nanginahanglan gyud sa tabang sa Cebu City Government.

Hinuon siya niingon nga mas gamay na lang kini karon kon itandi sa nakalabay nga May 10, 2010 elctions ang ilang panginahanglan sanglit ila pa mang magamit ang ilang mga napalit niadto sama sa mga copier machine ug uban pa.

Gipadayag ni Sarno nga ang Comelec makahimo na sa ilang gimbuhaton apan mas labing maayo kon adunay ayuda ang usa ka local government unit (LGU).

“We can function but we can be more effective if there is a support from the LGU,” pasabot niya.

Gidugang niya nga usa sa ilang pangayuon nga pabor sa dakbayan sa Sugbo ang paghatag og libre nga pagkaon alang sa mga sakop sa Board of Election Inspectors (BEI’s).

Matod pa niya nga ang mga magtutudlo nga moserbisyo sa eleksyon makadawat lamang og labing minos P1,000 ngadto na sa P2,000 matag adlaw.

Mas gamay kini kon itandi sa nakalabay nga presidential ug local elections diin sila nakadawat sa di mominos P3,500. pac

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph