2 ka mga sityo sa Sambag 1 ubos sa state of calamity

GIDEKLARAR na sa Cebu City Disaster Coordinating Council (CCDCC) ubos sa state of calamity ang duha ka mga sityo sa Barangay Sambag-I nga apektado sa sunog sa miaging adlaw.

Kini human magtapok ang mga sakop sa Emergency Management Council sa siyudad pinaagi sa CCDCC kagahapon sa buntag alang sa paghatag og dakong prayoridad sa mga nasunogan.

Si Alvin Santillana, executive director sa CCDCC, nagkanayon nga ila nang napadangat ang ilang rekomendasyon ngadtokang Cebu City Mayor Michael Rama.

Karong Biyernes ilang iduso sa Cebu City Council alang sa pagtugot niini.

Dugang niya nga ang tanang mga apektado sa sunog natagad na sa Cebu City Government pinaagi sa paghatag og mga pagkaon,seguridad ug paghatag og portable toilets sukad pa niadtong adlaw gyud sa sunog

arong buntag gikatakdang adunay mist spraying sa dapit sanglit ang maong lugar adunay may daghang mga kaso sa dengue.

Gitataw ni Santillana nga human kini matugoti sa konsiho, himoan pa kini ug resolution aron sa pormal nga pagpagawas sa kwarta nga posibling ipamalit og housing materials.

Kini hayan ipanghatag ngadto sa apektadong mga pamilya sama sa nahitabo sa mga nasunugan sa Barangay T. Padilla nga nasunogan usab sa nakalabay nga buwan.

Si Cathy Yso, pangulo sa Department of Social Welfare and Services (DSWS) sa dakbayan sa Sugbo, wa pa makabutyag kon pila ang gikinahanglan nga ipagawas nga pundo alang sa calamity fund sanglit nagpadayon pa man ang ilang buhatan sa pagsusi sa mga apektadong pamilya.

Samtang sa iyang bahin, si Rama nga nahinabi sa Sun.Star.Superbalita nagkanayon nga gikinahanglan gyud nga matabangan ang mga residente sa maong barangay bisan pa man kon ang Sambag –I gidumala ni Kapitan Jerry Guardo nga sakop sa oposisyon.

Kahinumduman nga niadtong Lunes sa buntag naigo og daku nga sunog ang sitio Atis ug Kawayan nga pulos mga sakop sa Barangay Sambag –I, dakbayan sa Sugbo.

Ang maong sunog gibana-banang midanyos og P18 milyunes diin lakip sa naugdaw mao ang edepisyo sa college of engineering sa South Western University (SWU).

Sa pagkakaron ang mga nasunogan temporaryo unang gipapuyo sa Brgy. Sambag-I Sports Complex ug ang adunay gika-afford toa temporaryong mipuyo sa YMCA diha sa Osmeña blvd. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph