I pabutaran ni Konsehal Nida Cabrera ang mga kandidato sa barangay ug Sangguniang Kabataan (SK) elections nga di maghatag og pakabana sa kalikupan.
Ang pamahayag giluwatan sa konsehal human usab sa sugyot sa kahugpungan sa mga environmentalist pinanguluhan ni Atty. Gloria Estenzo-Ramos, kinsa nakigtagbo kaniya sa iyang buhatan sa Cebu City Hall legislative building.
Si Cabrera nipasabot nga iyang gipaluyohan ang maong panawagan sanglit ang iyang opisina nanawagan usab sa katawhan nga hatagan og dakong pagtagad ang palibot tungod usab niining problema sa pag usab-usab sa pa-nahon kun climate change.
Dugang pa niya nga ang kagamhanang lokal sa dakbayan mihatag usab niini og prayoridad.
Si Cabrera nga maoy chairman sa committee on environment sa Cebu City Council niingon nga nga kon ang mga barangay official magtagad usab sa kalikupan pinaagi sa pag-amuma ug pangpangga sa palibot matabangan pa ang umaabot nga mga henerasyon.
Gipadayag sa konsehal nga ang Global Legal Action Against Climate Change (Glaac) ni Ramos mohimo og checklist nga maoy himuong tamdanan sa mga botante og si kinsa nga kandidato ang ilang hatagan sa ilang boto.
Si Cabrera nagkanayon nga kon kini mahimo diha pa lang sa barangay level diin ang mga opisyal mismo maoy magpasiugda sa kampanya sa ilang mga lumulupyo alang sa pagtagad sa kalikupan hayan daku og posibilidad nga maminosminosan ang epekto sa climate change. PAC
r======================
kalingawan
rTambagi KaoyoyNagduda
rDEAR Noy Kulas,awga lang ko sa ngalan nga Ms. Stupid Cute. Naa koy problem, about ni sa akong lovelife. Ngano magsige man kog duda-duda sa akong uyab. Kahibawo man ko nga
love kaayo nako siya.
Diha lang gyud ni magsugod sukad lang adtong nakit-an nako siya nga dunay ka holding hands. Nabasahan sab nako sa text sweet kaayo. Two years na mi nga uyab. Wala sab kahibawo akong parents sa among relation kay I know di gyud dawaton sa akong parents akong boyfriend kay hayskol pa man siya. Unya ako graduate ko og college nga 2 years HRM. Apan naningkamot siyang makatiwas sa school para namong duha ug mapaila-ila nako siya.
Di gyud nako kalikayan nga magduda gyud ko bisan ako na siyang gipasaylo, unya nagbalik mi. Unsa man gyud ang akong angay buhaton? Unsa man ning akong gihuna-huna? Gusto kong mangita kog lain, apan di nako kaya. Angay ko ba siyang buwagan para di na ko magduda niya? Please advice me, Noy, unsay maayo nakong buhaton.
God bless and more power.
STUPID CUTE
Stupid Cute,
Salamat sa imong pagsuwat. Ang imong trust niya nawagtang kay imo man siyang nasakpan.
Lisod baya na ipahiuli tungod kay sama na sa bildo, kon mabuak na, di na mapahiuli.
Kon mahiuli man gani, makita gihapon ang buak and it will never be the same. Mao na ang hinungdan kon nganong wa ka nay pagsalig kaniya. Si bisan kinsa man nga tawo, babaye man o lalake, kon makasakop sa partner nga nagpa-cute og lain, ingon gyud niana ang response ug reaction.
And what he did is not a good sign. Symptom na sa tawo nga posibleng capable sa pagpanglimbong. He did it once, posibleng iya pa ning sublion. I am not saying nga ingon ana gyud siya kay duna baya say mga tawo nga nahigugma sa duha ka mga linalang and it took them longer to decide kinsa ang iyang pilion. Anyway, panid-i lang.
A7am gyud pag-judge og tawo based sa unsay iyang nahuman tungod kay di na mo-define sa character. Kadaghan sa ubos og naabot apan mas maayo pa og disposition sa kinabuhi kay sa niadtong nakahuman. Ang kinabuhi naa na sa diskarte ug paningkamot sa tawo. Ang imong kinabuhi nag-agad sa unsay imong gibuhat niini, di tungod sa laing tawo, labina di tungod sa kawad-on. Kon magkugi ang tawo, bisan siya kabos, duna gyud siyay makab-ot sa kinabuhi.
aw nay desisyon kon imo bang ipadayon ang inyong relasyon. Bata ka pa sab nga mag-serious na og maayo sa relasyon. Daghan pang moabot sa imong kinabuhi nga di mo lang paabuton. Hinayhinay lang.
NOY KULAS