DEAR Papa Joe,
Just call me Dodong. Naa koy naibgan nga girl named Mera. Gani nanguyab na ko niya pero pakyas ko. Iyang reason kay di kuno pwede nga sugton ko kay saputon kuno ko ug silingan ra kuno mi.
Saputon ko usahay pero naay reason nganong saputon ko. Ganahan ko niya, Papa Joe. Gani nakapuyo ko sa balay sa iyang tiya. Pero usahay maglalis mi sa walay hinungdan. Mga duha ka years ko nagpuyo sa ilang tiya. Then one time nga naay namisita niya, naglagot ko. Maora gani ko og nagselos. Sa akong kalagot, hapsan ta nako og botilya ang ulo sa
namisita niya pero gipugngan ko sa iyang uncle. Gitambagan ko nila nga dili kuno ko mamugos kon wala gyuy gusto si Mera.
Nakahilak ko sa tago, kay nasakitan sad ko sa nahitabo. Nilabay ang mga adlaw unya naa na say nanguyab niya pero nagbulag ra sad. Ako siyang gisultihan, nga kon naa pa ba koy pag-asa, apan nikatawa lang siya. Maorag walay kwenta para niya ang akong gisulti.
Then nag court kog laing girl para makalimtan nako siya, apan wala gihapon. Siya gihapon ang gipitik sa akong kasingkasing. Gani, nanguyab sad ko sa iyang cousin. Pero siya gihapon ang akong gihunahuna.
Unsa man akong buhaton? Kalimtan pa ba nako siya or mopadayon ko? Bad shot na kaayo ko nila. Gani, gidungog ko nga patay na kuno ko. Naa ba siyay pagbati nako? Pero, I love her so much, Papa Joe. I heard niya nga naa kuno siyay bag-ong uyab. I hope matambagan ko nimo kon unsa ang akong buhaton. God bless.
DODONG
Dodong ,
Pre, dili sala nimo ang paghigugma. Normal na, pero sa imong sitwasyon andam nimo ikondisyon sa imong huna-huna nga ang tanan walay kasiguraduhan. Tataw nga wala siya’y pagbati nimo ug gihimo lang niyang alibi ang imong pagkasaputon. Pero kon imong tan awon dako kaayo na nga factor sa part sa babaye ang imong batasan.
Dili ko mo blame nimo kay basin kabahin na sa upbringing nimo sa bata pa ka. Kon nahigugma ka niya i-prove na, ayaw ipamugos nga mahigugma siya nimo but pakit-a siya nga andam nimong usbon imong batasan. Sa imong pagpamugos matan aw niya nga wa kay pasensya and if wala kay pasensya ug manluod.
Sa inyong pagka silingan, klarix na kaayo niya imong pagkataw nga maoy moduwa sa iyang huna huna kon angay ba kang tagaan og chance. Too much familiarity ra kaayo mo nga basin ikaw nakalimot ka sa basics sa pagpanguyab og babaye. Kontrola imong kaugalingon. Buhata siyang challenge sa imong kinabuhi, dili sa ingon nga mahimo nimong uyab para usab sa pag-usab sa imong batasan. Remember! Ang tawo nga boutan tabangan sa kahitas an. Salamat.
PAPA JOE