AKONG nabati ang giluwatang pahayag ni Customs Commissioner Angelito Alvarez nga kuno pabuhisan niya ang ukay-ukay. Puwede, pero kinahanglan usa nga amendahan sa Kongreso ang Republic Act 4653 kun mas labing nailhan isip "Philippine laws and regulation allowing tax and duty exemption donation from overseas".
Wala masayop si Alvarez nga nikatap na pag-ayo ang mga ukay-ukay sa bisan asang dapit sa atong nasud. Natingala bitaw ko'g dako nganong gipamaligya man ni nga donasyon man kini gikan sa laing nasud, ug walay buhis.
Dili kay kini lang, "The tariff and custom code of the Philippines under presidential decree number 1464 as amended, provide for exemption from payment of import duties for the following items:" Foods and relief services. Sama sa gatas ug uban pang mga pagkaon nga gitabang sa laing nasud sa mga biktima sa kalamidad apan adunay sertipikasyon gikan sa Department of Social Welfare and Development (DSWD).
Kon mga medisina nga ihatag gikan sa laing nasud, ang sertipikasyon gikan sa Department of Health (DOH).
Kon mga libro, bibliya, Koran, prayer and religious books gikan sa Department of education (DepEd) ang sertipikasyon. Ug kon mga rehabilitation equipment unit ang i-donate ang sertipikasyon magagikan sa Department of National Defense (DND).
Kining tanan pinaagi sa Diplomatic Order Number 71 sa US Embassy ug Order Number 3001 sa Department of Foreign Affairs ug Presidential Memorandum Order Number 36 nga "authorize to import duty free."
Walay problema kining ubang importasyon kay natuman man kini. Apan kining ukay-ukay nga gi-donate sa laing nasud walay bayad, duty free pa gyud, pero ginegusyo sa mga tawo nga malakas sa atong gobyerno.
Gawas pa, dunay probisyon sa RA 4653 nga gidili kini for public health safety.
Ang angay unta niini, gawas nga moagi kini sa DSWD kinahanglan usab nga hilngon sa DH para masiguro ang maayong panglawas sa mga tawo nga mopalit niini kay barato ra god. Makapalit ka sa kantidad nga P60, pero wala ta makaseguro basin og may sakit sa panit ang tag-iya niini matakdan ang mogamit.
Pagkawala gyuy konsensiya, gawas nga segunda manong sapot donasyon pa gyud gikan sa laing nasud, apan gipanapi dinhi sa Pilipinas. Hoy!!! Ang kapal ninyo mahiya naman kayo, ihatag ninyo na!
Alang sa atong custom commissioner nga si Alvarez, ipursige ang paghatag sa mga Ukay-ukay ngadto sa mga pobre, dili buhisan kay hinatag lang intawon na. Ang hinatag, ihatag pod ug dili angay ibaligya.
Paminawa ang "Kontra Balanse" sa dxKT, 1071 sa dial sa inyong mga radyo. Alas 6-7:30 sa buntag gikan Lunes hangtud Sabado. Ug alang sa inyong dugang sugyot ug komentaryo pag-email lang sa algenoguin@yahoo.com