OKEY na ang "Showtime" host Vice Ganda ug Movie and Television Review and Classification Board (MTRCB) chairman Consoliza Laguardia.

Mao kini ang happy message nga gi-share sa komedyante.

"Nagpadala ng message sa akin si chairman through Ogie (Diaz, his talent manager) love niya ako. Love din kita Chairman Laguardia," ni Vice.

Sa nakalabay nga adlaw, gibirahan ni Vice ang MTRCB chair sa pahayag niini nga ipaabot nila sa Supreme Court ang ilang kaso kontra "Showtime."

Kini human nga gibasura sa Court of Appeals (CA) ang apela sa MTRCB nga balehon ang 20-day preventive suspension nga gi-isyu nila sa maong programa.

Gipasabot sa CA nga napakyas ang MTRCB sa mapresenta ang mga gikinahanglan nga argumento nga mo-justify sa ilang resolusyon.

Mi-react sab si Vice sa pahayag ni Chairman Laguardia nga ginamonitor niya ang mga 'double-meaning' nga pahayag sa komedyante sa telebisyon.

"Siya ang nagbigay ng meaning sa sinabi ko siya ang dapat mag-eksplika kung ano ang mga inisip niyang masasama tungkol sa sinabi ko," ni Vice.

Nagtubod ang isyu sa "Showtime" ug MTRCB tungod sa makawerla nga komento sa judge nga si Rosanna Roces sa ilang January 7 episode.

Sa maong episode, si Rossana miluwat og mga di maayong pulong against sa mga teachers nga miani og pagsaway.

Gitangtang sab siya isip judge sa show aron di na modako ang isyu. Human niadto, gipahamtangan og 20-day preventive suspension ang programa, diin ang kaso gidala sa ABS-CBN sa korte.