'Bodyguard' ni Andal Jr. dakpan

USA ka sakop sa Special Civilian Volunteers Organization (SPCVO) ug gikatahapang bodyguard ni Andal Ampatuan Jr. nga nalambigit sa masaker sa Maguindanao nasikpaw sa hiniusang puwersa sa kapulisan ug military alas 10:00 sa buntag niadtong Huwebes didto sa Barangay Taluya, Glan, Sarangani Province.

Matud ni Sarangani Provincial Director Florendo Quidilla nga ang suspek nailhan nga si Samsudin Daud, 25, minyo, ug molupyo sa Barangay Poblacion, Mamasapano, Maguindanao, kinsa nadakpan sa Taluya, Glan.

Matud ni Quidilla migamit pa og alyas nga David Olivares si Daud nga gidakop pinaagi sa warrant of arrest sa diha nga nasiplatan siya sa mga intelligence unit sa Glan pulis ug militar.

Dugang pa ni Quidillia nga adunay patong sa ulo nga P250 mil ang suspek sama sa unang nadakpang pulis sa Maguindanao nga si Arnulfo Soriano sa Kiamba, Sarangani.

Hugot usab gipanghimakak ni Daud nga nalambigit siya sa masaker.

Apan sa dihang gisukit-sukit sa kapulisan, giangkon ra niya ang iyang partisipasyon sa krimen.

Gipailalom na sa imbestigasyon sa Criminal Investigasyon and Detection Group (CIDG-12) si Daud aron matumbok ug madakpan ang iyang mga kauban nga nagtago-tago pa sa nagkadaiyang dapit didto sa Central Mindanao. (Edgardo Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph