Suspek nga kawatan dakpan

USA ka suspek sa kawat nadakpan sa kapulisan didto sa lungsod sa Hagonoy, Davao del Sur subay sa mando sa hukmanan.

Sila si SPO2 Edwin Lasquite ug SPO1 Raul Umbay sa Hagonoy Police Station maoy gitahasan aron dakpon ang 20 anyos nga si Wilmart Porio, ulitawo ug lumolupyo sa Barangay Sacub sa maong lugar.

Gimando ni Judge Ernesto dela Cruz sa 2nd Municipal Circuit Trial Court (MCTC) sa Hagonoy-Matanao, Davao del Sur ang pagsikop sa suspek kinsa dunay giatubang nga kaso nga kawat ug nakadoket sa criminal case number 5351.

Ang suspek naabtan sa kapulisan didto mismo sa iyang pinuy-anan ug gitunol ang orden de aresto.

Way nahimo si Porio gawas sa pagkuyog sa mga otoridad ngadto sa ilang buhatan nga malinawon.

Gikostudiya dayon sa kapulisan ang dinakpan apan basi sa warrant of arrest (WoA) mahimo siyang makaangkon og temporaryong kagawasan pinaagi sa pagbayad og piyansa nga P12,000.

Gitakdang pahibaw-on sa kapulisan ang korte nga nadakpan na ang suspek. (Dondon Dinoy)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph