Editoryal: Ang unang 100 ka adlaw sa mayor

ANG pagpang-aspalto, kasanihan (health), basura, mga suga sa kadalanan, kahapsay ug kalinaw, trapiko ug ingon man ang kanal (drainage) maoy gipanghambog ni Cebu City Mayor Mike Rama nga mao lay pipila sa iyang mga accomplishment sulod sa unang 100 ka adlaw niya pagkamayor.

Aduna nay tulo ka shifting ang Department of Public Services (DPS) nga mokuha sa mga basura.

Gipamutangan og mga suga ang kadalanan ug giilisan og mga bulb ang mga nangapunder.

Nalimpiyohan ang mga sidewalks sa dalan Colon ug Osmeña Boulevard ug ingon man pagpahigayon og refresher course ngadto sa mga traffic enforcer.

Gisugdan na usab kuno ang pagpang-aspalto sa kalsada, pipila ka mga ngingit nga dapit ang nasug-an na, aduna nay mga bag-ong napalit nga ekipo sa trapiko ug ingon man mga pulis nga makita na sa kadalanan.

Sa mga gipangtagawtaw sa mayor, daw sa masinati na sa mga molupyo sa dakbayan sa Sugbo ang usa ka dapit nga haruhay ug hamugaway.

Apan ang paghusgar sa kamatuoran kon tinuod na ba gayud kining tanan atoa sandig sa yanong publiko kon ang mga gipanghisgutan ila na ba gayud natagamtan.

Adunay bag-ong ekipo sa trapiko apan naobserbahan sa kadaghanan nga nagsigi og kidlatkidlat ang mga traffic light sa kadalanan.

ng asphalt storm nga kuno gisugdan na, pero ambot og asa na nga dapita.

Hinaot pa unta nga ang gipangbutyag sa mayor wala masukwahi sa tinud-ana nga nasinati lumad nga mga molupyo ning maong dakbayan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph