Dear Noy Kulas,
Tagoa lang ko sa pangalan Ms. Confused.
Noy, kining akong problema tungod ni sa akong uyab nga Arabo. Naa mi usa ka anak. Sa una pag bag-o pa mi aning tawhana maayo kaayo siya nako. Actually na in love ko niya kay sa tanang mga lalake nga akong nauyab sa iya lang ko na inlove pag ayo. Iya kong gipaila-ila sa iyang family. Basta proud kaayo siya nako, Noy. Niabot among problema nga nagsamok akong ex nga among boss. Gihadlok man seguro siya sa akong boss kay nasuko man siya nako. Apan ingon ko niya nga love nako siya, Noy. Apan sige pa gihapon me og kita. Bati-away lagi mi hangtod nga nabuntis ko, Noy.
Niuli ko sa atoa. After nako panganak nibalik ko diri. Nagsustento sya nako until manganak ko. Apan pag-abot nako diri, Noy, sige man gihapon mig away kay lagi sa among tradition di mi magkasinabot. Usa pa, parehas me og edad. Sige mi og basulay sa among mga sayop sa una. Lagot man gud siya nako kay akong man gihadlok siya nga if dli siya mosustento sa iyang anak or di ko niya hatagan og money di na siya kabalik sa ilang lugar. Mao lagot kaayo siya nako, Noy, kay bisan laing tawo akong giapil sa among problema.
Naglibog man gud ko atong tungura kon unsaon nako pagbuhi sa akong anak ug pagpanganak nga walay koy tinigom diri tapos nag resign pa gyud ko sa akong gitrabahoan kaniadto tungod sad niya napapahawa ko kay gidili man nga manag uyab. So, akong na lang gi give up ang akong career kay tungod love nako siya. Gipili man gyud nako siya, Noy. Karon sige mi og mahayay. Last namong estorya ako siyang gi ask why man di niya madawat akong anak tungod ba kay Filipino? Nasuko siya nako kay naghunahuna daw nga racist siya nga pagkatawo.Di man na akong pasabot sa iyaha.
Naglibog ko niya. Usahay dawaton niya akong anak. Usahay itakwil. Noy, love pa gyud nako siya. Actually gusto naku siya mobalik nako. Nag text ko niya nga gusto nako siya mobalik apan wa ko niya tubaga. I want to fight for my love and for our son lang gyud.
Wa na ba kaha siyay love nako, Noy? Do I need to fight? Even sustento sa iyang anak before magtagaan siya apan na-fed up ko kay everytime na lang, Sige pod nako siya awayon kay pinugsanay lagi nga pagkahatag sa sustento. Daghan pang rason nga kuno duna siyay utang sa banko. Hinuon I know nga naa siyay utang but gamay lang nga kantidad. Unta para iyang anak. (sumpayan)