HUMAN gireklamong nipakita sa iyang kinatawo samtang naghubo sud sa barko sa Isabel, Leyte gipalagpot na sa gikan sa Medellin Police Station ang ilang sakop nga pulis.

Kini maoy gipahibalo ni Sr. Supt. Erson Digal, director sa Cebu Provincial Police Office (CPPO) dihang nahinabi sa Sun. Star Superbalita. Matod niya nga si PO2 Rodelo Pilapil Jr. girelibuhan na niya sugod kagahapong adlawa.

Si Digal niingon nga si Pilapil anha niya idestino sa Provincial Security Service Group (PSSG) sa headquarters sa CPPO aron dali niyang ma-monitor ingon man makatambong gilayon sa husay sa kasong administratiba nga ilang ipasaka batok kaniya.

Nagpaabot na lang sila sa reply sa Police Regional Office (PRO-8) sa ilang request sa report labot sa kasong gipasaka batok kang Pilapil aron sila makasugod sa imbestigasyon sa kasong administratiba.

Iyang gipahibawo nga nakapiyansa si Pilapil sa piskaliya sa Isabel, Leyte kagahapong adlawa human ma-inquest sa giatubang nga kaso nga kalapasan sa Commission on Elec-tion (Comelec) gun ban ingon man conduct of unbecoming.