Mga duwa karon

4:00 p.m. – Barako Bull batok Meralco

6:30 p.m. – Talk ‘N Text batok San Miguel

PULOS magtinguha sa ikaduha nilang sunod-sunod nga kadaugan ang San Miguel Beermen, Talk N’ Text Tropang Texters ug Meralco Bolts sa pagbalik sa aksyon sa 36th Philippine Basketball Association (PBA) All-Filipino Cup karong hapon sa Cuneta Astrodome.

"The Manny Pacquiao Blog". Click here for stories and updates on the Filipino boxing champ.

Ang Bolts makigbatok sa Barako Bull sa premirong duwa samtang mag-engkuwentro sa main game ang Beermen ug Tropang Texters.

Ang Tropang Texters gikan sa 87-76 nga kadaugan batok sa kuwangan og tawo nga defending champion B-Meg Derby Ace Llamados niadtong Miyerkules.

Samtang ang Beermen ninglampornas sa Air 21 Express, 100-86, niadtong Biyernes.

Tungod niini, nalantawan nga balanse gyud kaayo ang kombati sa panagharong sa Beermen ug Tropang Texters, duha sa labing lig-on sa liga.

Si assistant coach Gee Abanilla mao lang gihapon ang mogiya sa Beermen kay nagtiwas pa man si coach Ato Agustin sa iyang obligasyon sa San Sebastian Stags, nga nakasulod sa finals sa National Collegiate Athletic Association (NCAA) basketball league.

“We have a very good line-up today. And we are in good shape right now. During pre-season games, we focused on our strength and conditioning. We are more quicker now than last year. Our victory against Air 21 is a good preparation against Talk ‘N Text in our next game,” batbat ni Abanilla.