‘Demolition Man’ kuyaw nga kontra alang ni Banal

GITUOHAN nga si kanhi two-time world champion Luis Alberto Perez sa Nicaragua ang maghatag kang AJ ”Bazooka” Banal human sa kapildihan sa Sugbuanon batok kang Panamanian Rafael Concepcion niadtong 2008.

Human sa iyang makapakaging nga 10th round nga kapildihan batok kang Concepcion, si Banal mibangon pinaagi sa paghakot og lima ka sunodsunod nga mga kadaugan diin upat sa iyang mga kontra ang nangatikangkang.

"The Manny Pacquiao Blog". Click here for stories and updates on the Filipino boxing champ.

Karong Oktubre 30, ikaharong ni Banal (22-1-1, 18KOs) si Perez sa main event sa “Pinoy Pride I” sa Waterfront Hotel sa Lahug, Cebu City.

Naggunit og 26-4, 17KOs nga rekord, si Perez naila nga lig-on gyud kaayo nga boksidor gawas nga aduna kini saktong kusog ug abilidad.

Gawas sa iyang solidong jabs, aduna sa’y mga higayon nga magpauwan og sunodsunod nga mga kumbinasyon si Perez nga usahay moresulta og daw rambol sa dalan.

Tungod sa iyang kapabilidad nga mopauwan og mga kinumo, si Perez gianggaan og “EL Demoledor” (Demolition Man).

Sa labing ulahi niyang away nga gipahigayon niadtong Mayo, si Perez nikulit og 2nd round knockout nga kadaugan batok kang Freddie Madrigal.

Ang ALA Promotions nakigtambaya­yong sa television giant ABS-CBN alang sa pagpahigayon sa Pinoy Pride, nga isalidad sa tibuok kalibutan pinaagi sa The Filipino Channel ug ABS-CBN Global.