MISAKA ang ganti alang sa sparring partner nga makatumba kang pound-for-pound champion Manny Pacquiao.

Human misaad si American trainer Freddie Roach nga mohatag siya og $1,000 nga ganti alang sa makatumba kang Pacquiao sa sparring session, nakadesider si boxing agent Michael Koncz nga iyaha kining parihasan.

“I raised the stakes, the ante a little,” matod ni Koncz sa interbyu sa www.boxingscene.com. “I pushed Freddie’s bounty up to $2,000, so let’s see if any of these guys can collect.”

Ang sparring partners nga naa karon sa training camp ni Pacquiao sa Baguio City mao sila si Michael Medina, Glen Tapia, Vanes Martirosyan ug world champ Amir Khan.

Si Martirosyan, kinsa gi-train sab ni Roach, miproklama nang daan nga siya ang adunay dakong purohan nga makakuha sa ganti.

“I respect Manny a lot and I have learned a lot from him. He is a great fighter but I feel I am up to the challenge,” batbat ni Martirosyan.

“That is why I always say I want to fight the best. I want to prove how good I am. It doesn’t get much better than sparring with Manny Pacquiao. I hope some of these other champions man up and accept my challenge.”

Ang anak sa usa ka Mexican legend nga si Julio Cesar Chavez Jr. paingon na dinhi sa Pilipinas aron moapil sa training camp ni Pacquiao.

Sa laing bahin, giklaro ni Koncz nga seryuso gyud kaayo si Pacquiao sa iyang preparasyon kay sayod kining dili lalim nga kontra si Mexican Antonio Margarito, kinsa mas taas ug mas dako.

Magsangka sila si Pacquiao ug Margarito karong Nobiyembre 13 sa Dallas Cowboys Stadium.

“It’s been a solid camp so far. Trust me, Manny is not taking Margarito lightly, not at all. Manny is very focused, as focused as I’ve ever seen him,” pasabot ni Koncz.