DEAR Papa Joe,
Tawga lang ko sa ngalan nga Mr. Concern, 38, minyo ug dunay mga anak. Ang akong problema kay dili kabahin sa gugma o sa akong pamilya, kabahin kini sa among silingan nga kapuyo sa akong ig agaw nga naa say mga anak pero dili minyo. Wala man miy problema ani unta niya, Papa Joe, kon dili palang moabot sa personal na, kini iyang kapuyo kay pwerte ka selosa nga maski laki lagi iyang triping. Ang nakapaet pa kay dili na nuon mi close sa akong ig agaw bisan pa gani sa kaugalingon niyang mga igsuon kay selosan, knowing nga dili ni siya taga diri gipuyo lang nya hawod mag minaldita.
Daghan nang okasyon nga kini siya magpasingit. Kausa ana kay ako gyud iyang giatubang apan agig respito lagi sa akong ig agaw wala nalang nako tinud-a. Hangtod mga bisita namo nga babaye iyang isahan sa kilay ug barkada sa akong manghod iyang padunggon nga batig nawong, so naukay nasad mi,. Pero lagi mahal sa akong ig agaw amo na lang gitugyan niya ang pagpasabot.
Kami man gud, Papa Joe, dili na lang namo padak- on kay compound ra gud mi. Meaning usa ra unta mi, pero tungod niya dili na hinuon mi magka bonding sa akong mga ig agaw.
Karon lang,Papa Joe, kay hasta among katabang kay gitripan iyang gi-ingnan nga “tan-aw man ka, bati man kag nawong?” So, nagpalaban ang among katabang sa akong manghod, unya nasinta nako ug wa makapugong, pero kutob ra didto kay gipalit na man sa akong ig-agaw nga iyang kapuyo.
Gipalayas siya pero pabaga lang sa nawong. Ambot naglibog ko ngano ingon ana iyang panan aw sa kinabuhi. Pero lagi kumo babaye nagpugong lang ko nga makadapat. Mas ako pa iyang gigulat kay taga Pasil daw silag kaliwat. Hahay palihug tambagi ko.
MR. CONCERN
Mr. Concern,
Maayong adlaw diha kanimo no? Ang imong problema kay daghan na nga ingon ana ron kay ang uban natong kaigsuonan sirado ang utok kon unsa ang gugma. They became selfish para sa tawo nga ilang gimahal. Naa tay grado pero walay batasan. Walay lain makabadlong niana kon di ang imo rang ig-agaw mismo ug ang ginikanan sa imong ig-agaw kay tipon raman mo tanan.
Kon imo nang pasundayan mahimo sad mo nga bastos. Naa gyuy mga tawo nga sobra ka insecure. Maybe sa upbringing na sa ilang pamilya, apan nevertheless pakigkita-i gihapon og maayong pagtagad kay ang paghatag og gugma sa isig kaingon Kristohanon.
O depende sa iyang tinuohan. Iampo lang na sad siya nga moabot ang panahon nga makabaton siya og pagmahal, pagsabot sa kinabuhi. Maybe you can help your cousin more to educate or uplift the style sa ilang pagpuyo like indulging his ka live-in more sa inyong family.
Once again it is not more of your concern but sa hingtungdan nga imong ig agaw kay kon di na niya mapitol siya ra gihapon ang masakitan puhon. Salamat.
PAPA JOE