KUMPIRMADO na gyud ang tsika nga sa di madugay tapuson na ang seryeng “Idol” nila Sarah Geronimo, Sam Milby ug Coco Martin.

Say pa nga inay 10 weeks ang airing niini, himuon na lamang eight weeks tungod mobiya sa nasud sila Sam ug Sarah this October.

Say pa nga gikinahanglan na gyud nga putlon ang serye aron di masakripisyo ang show.

Kahinumduman nga paspas kaayo ang pluggings niini pipila ka adlaw before kini nagsugod. Dire-diretso na hangtud mi-ere kini.

Gilimod sab ang tsika nga tungod walaon na ang serye tungod pildi gyud kini sa ratings.

"Hindi naman, problema rin talaga ang availability ng artista, actually, lamang pa rin naman ang Idol nationwide kumpara sa katapat na programa," sitsit sa usa ka source.

Aron makumpirma nga tinuod ang isyung availability sa mga artista ang hinungdan, mismong ang manager ni Sam nga si Erickson Raymundo ang miisplikar.

"May Japan and Guam si Sam ng October at Ireland at Londo naman ng November. It’s been scheduled even before we started Idol. This is the usual Heartthrobs tour with Piolo (Pascual). This is our last leg, five years nang tumatakbo ang Heartthrobs," niya pa.

Luyo sa Heartthrobs concert tour nila Sam ug Piolo may provincial show sab si Sam uban si Yeng Constantino.

Apan it will not matter man sab kun mobu o taas ang usa ka serye as long as mitatak kini sa mga viewers. Taas ang istorya apan sum-ol na, chaps gihapon di buh!