HANGTOD kagahapon apektado pa ang pipila ka mga lawak saringan sa Basak Elementary School sa Brgy. Basak, dakbayan sa Mandaue gumikan sa grabeng pagsaka sa baha sa maong tunghaan.
Ang baha mugna sa kusog nga uwan sa nakalabay nga mga adlaw.
Gani di lang ang tunghaan sa Basak ang nangaapektuhan kon di lakip na usab ang ubang mga sityo sa Barangay Basak.
Kagahapon, 15 gyod ka mga classroom ang naapektohan nga naglakip na sa preparator school, grade-2, grade-3 ug grade-5.
Samtang napakgang ang ilang klase kagahapon bisan o0g hinayhinay nang nihubas ang tubig nga nisulod sa classroom apan ang mga hugaw nagpabilin hinungdan nga nagsegi pa silag pagpanglimpyo.
Usa sa usab sa ilang gikabalak-an mao ang gibiyaan nang building sa tunghaan nga aduna lawom nga tubig nga kuyaw puy-an sa lamok.