BIBO gyud ning pulitika sa Pinas buh, you know na kun ngano. Of course ang mga pulitiko may time sab nga ma-artista hilabi na og kontrobersiyal ang ilang istorya, bongga kaayo istoryahan.
Usa na dinhi ang nahitabo karon sa romantic ties nila Pres. Noynoy Aquino ug Konsehal Shalani Soledad.
Sa nakalabay nga adlaw napatik nato dinhi sa SuperB nga wala na gyuy chance pa nga magkabalik pa ang duha, tungod may bag-o na kunong 'apple of the eye' ang pangulo, ang stylist nga si Liz Uy.
Migula sab ang tsismis nga human sila nagkabuwag, may gina-date na kunong bag-o ang konsehala.
Apan si Shalani dali nga mihimakak sa isyu.
Say pa nga ang gina-date karon sa konsehala mao si Valenzuela mayor Sherwin Gatchalian nga ex-jowa ni Pauleen Luna.
Sila Coun. Shalani ug Mayor Sherwin mipadayag sa ilang pagdeny sa isyu pinaagi sa tagsa-tagsa nila ka Twitter account.
"Not true," mobung tubag sa konsehala dihang gipangutana sa usa ka follower niini sa Twitter.
Sama sab niini ang tubag ni Mayor Sherwin.
Till now, hilum gihapon ang konsehala sa tsikang nagbuwag na gyud sila totally sa pangulo.
Last Saturday sa usa ka national paper miguwa ang report nga quits na sila P-Noy ug Shalani duha ka semana na ang nakalabay.
Say pa nga nagbuwag ang duha sa usa ka restaurant diin una sab silang nag-date.
Giklaro sab sa nagtsika nga walay third party nga involve, hilabi na nga mi-eksena sab si Trish Roque, reporter sa TV5 nga miilog sa pangulo.
Sa “The Buzz” last Sunday, ang host nga si Boy Abunda, nga close sa pamilyang Aquino mihatag sab og komento labot niini.
Niya, posibleng tinuod nga nagbuwag na gyud ang duha.
"Ako ang basa ko totoo ang balita na hiwalay sila. And I would like to credit Shalani, every time she's interviewed she says, 'Huwag muna.' Pero ang hindi natin sigurado, ito ba ay temporary lamang? Ito ba ay pansamantala lamang? Ito ba ay maaayos pa? Hindi natin sigurado," ni Boy.
Giawhag sab sa tv host ang publiko nga di na hilabtan pa ang personal nga life sa pangulo, hilabi na ang iyang lovelife.