2 ka dalaga gitulis

GITULIS ang duha ka mga dalaga samtang naglakaw lamang mga alas 8:30 sa gabii adlaw nga Miyerkules duol sa Northern Mindanao Medical Center (NMMC) ning siyudad sa Cagayan de Oro.

Ang mag biktima naila nga sila si Jeddalyn Arellano, 16, dalaga nga taga 191 Zone 2, Mendoza Compound, Patag ning siyudad samtang ang kauban niini mao si Shaira Aguila, 15, dalaga nga taga San Vicente, Casinglot, Tagoloan, Misamis Oriental.

Subay pa nga naglakaw lamang ang duruha sa nahisgutang dapit ug kalit nga dunay miduol kanila nga tulo ka mga wala maila nga lalaki.

Giingong nagdala kini sa mahait nga mga hinagiban ug ice pick dayon tion kanila nga miresulta sa pagkadala sa ilang mga importanteng mga butang.

Gibutyag nga nadala sa mga wala maila nga suspetsado ang ilang tagsa ka mga cellphone nga Samsung ug Cherry Mobile, pitaka nga adunay mga sulod nga ATM, salaping cash nga mga P1,000, ug mga importanteng mga butang.

Gihulagway sa mga biktima ang mga suspetsado nga ang duha niwangon samtang ang laing usa medyo tambokon ug nay peklat sa nawong niini.

Gidugang pa nga pulos nakakalo ang mga suspetsado ug mibusikad sa pagdagan sa wala matuki nga dapit human malampusong’ nakabitbit sa mga butang sa biktima.

Ang kaso gisunod na sa kapulisan aron masikop ang maong mga suspetsado. (KCS)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph