Magsuong Ouano mag-unay

NASIAK na usab ang banay nga Ouano sa Brgy. Opao, dakbayan sa Mandaue sa nagsingabot nga barangay election human nga duha ka managsuon ang mag-atbang pagka-barangay kapitan.

Gibutyag ni Provincial Board Member Thadeo “Teddy” Ouano nga ang iyang igsuong babaye nga si Liza Ouano-Icalina iyang paluyohan pagka-barangay kapitan sa Opao.

Samtang si incumbent ug last termer barangay kapitan Joy Ouano mopaluyo sa iyang igsuong lalake nga si Rafael “Paeng” pagka-kapitan sa maong barangay.

Apan giklaro ni Teddy nga wa siyay gipamutang nga mga kandidato pagka-kapitan alang sa 18 ka barangays nga makig-atbang sa mga kandidato nga kaalyado ni Mandaue City Mayor Jonas Cortes.

Sumala pa niya nga di siya buot nga moaslom ang relasyon sa iyang anak nga si City Councilor Emmarie “Lolypop” Ouano-Dizon tali ni Cortes.

Kahinumduman nga si Ouano-Dizon nitapon sa administration camp gikan sa pagkaka alyado sa oposisyon human nidaog sa miaging May elections.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph