DRUG pusher ug wanted nga barangay kapitan sa lungsod sa Medellin nadakpan sa kapulisan sa dakbayan sa Sugbo kagahapon sa udto pinasikad sa warrant of arrest.

Ang suspek didto na madakpi sa Wireless, dakbayan sa Mandaue.

Si Kapitan Marianito Yaon sa Antipolo, lungsod sa Medellin, nadakpan nila ni Chief Insp. George Ylanan, hepe sa Investigation and Detective Management Branch (IDMB) ug ni Sr. Insp. Bonifacio Garciano sa Theft and Robbery Section ug mga kauban.

Si Ylanan niingon nga kagahapong adlawa nakadawat silag report nga si Yaon diha sa usa ka drug den sa may Ponce Compound, Brgy. Carreta ning dakbayan.

Dali silang nisuhid sa lugar uban sa ilang mga sakop dala ang warrant of arrest nga gi-isyu ni Judge Antonio Marigomen sa Regional Trial Court (RTC)Branch 61 sa dakbayan sa Bogo labot sa kalapasan sa Comelec gun ban, ingon man sa RA9165.

Apan dihang naabot sila si Ylanan sa lugar wa na didto si Yaon sanglit nakalakaw sakay sa usa ka taxi paingon sa Mandaue.