KOMPIRMADO nang mangapil sila si Dennis “Robocop” Orcollo ug Ronnie “Volcano” Alcano sa Class A division sa 2010 Sun.Star Superbalita 9-Ball Challenge nga ipahigayon karong Nobiyembre 18 sa Elizabeth Mall Activity Center.

Gawas nila ni Orcollo ug Alcano, segurado na sab sa ilang partispasyon sila si

Roberto Gomez ug Carlo Biado.

Ang rehistrasyon sa Class A nagbalor og 2,000.

Sa laing bahin, ipahigayon karong Oktubre 20 sa Kiosk Billiard Hall ang final qualifying event sa Class B nga adunay rehistrasyon nga P250.

Samtang ang final qualifying sa High School ug Elementary divisions ipahigayon karong Oktubre 23-24 sa Kiosk gihapon.

Makakuha og 50% discount ang mga partisipante sa tanang mga kategoriya nga makadala og lima ka mastheads sa Sun.Star Superbalita. Alang sa dugang mga impormasyon, mahimong motawag kang Allan Colonade sa 0921-3860588.