ANG tanang 33 ka mga minero sa Chile nga wa nakagawas sa minahan sud sa 69 ka adlaw, naluwas ug pulos buhi.
Gidangtan ang rescue operation og 22 oras ug nasaksihan sa katawhan sa kalibutan ang panaghiusa sa mga Chilean pinangulohan sa ilang Presidenti nga si Sebastian Pinera.
"We have done what the entire world was waiting for. The 70 days that we fought so hard were not in vain. We had strength, we had spirit, we wanted to fight, we wanted to fight for our families, and that was the greatest thing", sumala sa mapagarbohon nga si Chilean President Pinera.
Ang pagluwas sa mga minero giplano, gitun-an ug giampingan og maayo ug dili pataka lamang.
Mga minero gi-monitor gamit ang video aron masayran kun dunay natarantar.
Mga minero hitas sa mga oxygen masks, dark glasses aron protektahan ang ilang mga mata.
Ang gihimo sa kagamhanan sa Chile nga pagluwas sa 33 ka mga minero angay hinoktokan sa kagamhanan sa Pilipinas.
Mga Chileans wa migamit og pala, piko, maso ug ubang kinaraang butang.
Samtang nagpadayon ang rescue operations didto sa eksena ang ilang Presidenti ug dili sama dinhe sa atong nasud nga atol sa hostage crisis, si Presidenti Noynoy Aquino didto nag-monitor sa sitwasyon sa Emerald Resturant.
Samtang ang rescue operations sa Chile giplano ug gitun-an og maayo, apan kadtong rescue operation sa hostage crisis sa Manila--aprob without thinking lang.
Mga sakop sa SWAT way mga gamit, way tukma nga training ug pataka lang og dasmag.
Unta nakakat-on sila sa gibuhat sa mga Chileans.